Tennissamband Íslands

Systkynin Arnar og Sigurlaug Sigurðarbörn eru sigursælasta tvenndarleiksparið í gegnum tíðina

Tennissamband Íslands hefur tekið saman Íslandsmeistara frá upphafi í öllum greinum, þ.e. einliða-. tvíliða og tvenndarleik fyrir  karla og konur í meistaraflokki. Hægt er að nálgast þá samantekt hér.

Arnar Sigurðsson úr Tennisfélagi Kópavogs hefur langoftast orðið Íslandsmeistari eða samtals 34 sinnum og 7 sinnum orðið þrefaldur Íslandsmeistari. Næst á eftir honum koma Hrafnhildur Hannesdóttir úr Fjölni með 19 titla, Margrét Svavarsdóttir með 16 titla og Einar Sigurgeirsson með 15 titla.

Sigursælustu tvíliðaleikspörin í gegnum árin eru:

• Arnar Sigurðsson og Davíð Halldórsson sem hafa unnið 9 titla saman í tvíliðaleik karla
• Hrafnhildur Hannesdóttir og Stefanía Stefánsdóttir sem hafa unnið 5 titla saman  í tvíliðaleik kvenna
• Systkynin Arnar og Sigurlaug Sigurðarbörn sem hafa unnið 4 titla saman í tvenndarleik

Einnig hefur verið safnað saman upplýsingum um tenniskonu og tennismann ársins frá upphafi sem má sjá hér.

Lesa frétt

Rafn Kumar og Hinrik hafa báðir unnið sér inn sæti í unglingalandsliðinu

Keppni um sæti fyrir unglingalandslið karla lauk nú um helgina með frábærri spilamennsku fimm einstaklinga. Rafn Kumar Bonifacius og Kjartan Pálsson kepptu ekki um sæti í þetta sinn vegna þess að þeir hafa sýnt fram á mjög góðan árangur síðasta árið. Það voru margir góðir leikir um helgina, enda mikið í húfi fyrir þessa stráka og var gaman að sjá hvernig þeir ekki bara tókust á við keppnina sjálfa heldur einnig pressuna sem henni fylgdi. Því miður þá þurfti Sverrir Bartolozzi að hætta við keppni vegna meiðsla en er hann samt valinn í landslið eftir ITN styrleikalistanum.

Hinrik Helgason gerði sér lítið fyrir og vann alla leikina sína og tryggði sér þannig sæti í landsliðinu á eftir Rafni Kumar og Kjartani. Fjórði maður sem tapaði einungis einum leik var Ástmundur Kolbeinsson. Þeir báðir spiluðu vel í sínum leikjum og sýndu hvers þeir eru megnugir. Næstir á eftir þeim tveim eru Vladimir Ristic, Luis Gísli Rabello og Hinrik Snær Guðmundsson, en sá síðast nefndi er nýliði í hópnum og hefur hann sýnt miklar framfarir síðustu mánuði. Hér má sjá lista yfir unglingalandslið karla.

Andri Jónson landsliðsþjálfari unglinga var ánægður með sína menn eftir helgina. “Það var gaman að sjá góðan tennis og ólíkan tennis um helgina, enda allir þessir strákar ólíkir spilarar. Ég vona að þeir haldi uppteknum hætti á næstu mótum og sýni enn meiri þrautseigju og hæfni í hverjum einasta leik. Það er til mikils að vinna í hverjum leik hvort sem hann er tapaður eða unninn og alltaf hægt að læra eitthvað nýtt,” segir Andri.

Lesa frétt

Sandra Dís Kristjánsdóttir Efnilegasti tennisspilarinn 2008

Fyrsta árshátíð Tennissamband Íslands var haldin með pompi og pragt á Café Easy í Laugardalnum síðastliðinn laugardag. Arnar Sigurðsson  og Iris Staub úr Tennisfélagi Kópavogs voru valin tennismaður og tenniskona ársins en þau eru bæði núverandi íslandsmeistarar utanhúss.

Sandra Dís Kristjánsdóttir var valin efnilegasti tennisspilarinn árið 2008 og er það því annað árið í röð sem hún hlýtur þann titil.

Eirdís Heiður Chen Ragnarsdóttir var valin efnilegasta tenniskonan árið 2009 og Kjartan Pálsson var valinn efnilegasti tennisspilarinn árið 2009. Hægt er að sjá val á efnilegustu tennisspilurum frá árinu 2003 hér.

Skjöldur Vatnar Björnsson formaður Tennissamband Íslands var heiðraður fyrir áratug í starfi en hann hefur gegnt formennsku í 10 ár.

Lesa frétt

Landsliðsæfingar hófust síðastliðin september í Tennishöllinni Kópavogi. Landsliðsþjálfarar Íslands í tennis eru Anna Podolskaia, Carola M. Frank og Andri Jónsson. Anna og Carola þjálfa A landslið kvenna og unglingalandslið kvenna. Andri þjálfar unglingalandslið karla.

A landslið kvenna

Landsliðshópar fyrir landsliðsæfingar tímabilið september – desember 2009 eru skipaðir eftirtöldum leikmönnum:

A landslið kvenna:
Sandra Dís Kristjánsdóttir
Eirdís Heiður Chen Ragnarsdóttir
Ragnhildur Ósk Valtýsdóttir
Arney Rún Jóhannesdóttir

Unglingalandslið kvenna

A landslið karla:
Arnar Sigurðsson
Andri Jónsson
Birkir Gunnarsson
Magnús Gunnarsson
Raj K. Bonifacius

Unglingalandslið karla

Unglingalandslið kvenna:
Hera Björk Brynjarsdóttir
Eirfinna Manadis Chen Ragnarsdóttir
Elín Sóley Hrafnkelsdóttir
Anna Soffía Grönholm
Hjördís Rósa Guðmundsdóttir
Eydís Oddsdóttir Stenersen

Unglingalandslið karla:
Birkir Gunnarsson
Hjalti Pálsson
Kjartan Pálsson
Rafn Kumar Bonifacius
Ástmundur Kolbeinsson
Hinrik Helgason
Sverrir Bartolozzi
Luis Gísli Rabello

Lesa frétt

Árshátíð Tennissamband Íslands verður haldin 28.nóvember kl 18:00  í Veitingasal ÍSÍ, Engjavegi 6.  Boðið verður upp á koníaksbætta sjávarréttasúpu ásamt nýbökuðu brauði í forrétt. Í aðalrétt er lambalæri með villisveppasósu, gratineruðum kartöflum og smjörsteiktu grænmeti. Gos með matnum er innifalið. Hægt verður að kaupa léttar veitingar á staðnum. Ýmislegt skemmtilegt verður á dagskrá og verður árið 2009 gert upp. Nánari dagskrá verður auglýst síðar. Aldurstakmark er 16.ára. Sjá auglýsingu hér.

Miðinn kostar 2.800 kr. Hægt er að kaupa miða í Tennishöllinni eða með því að leggja 2.800 kr. inn á reikning 0313-26-1139, kennitala 591288-1139. Hafa skal nafn og “árshátíð” sem skýringu. Síðasti dagur til að kaupa miða er 24.nóvember.

Tennisfólk fjölmennum á árshátíðina og skemmtum okkur saman. Allir velkomnir.

Lesa frétt