Tennissamband Íslands

Grunnstigs þjálfaranámskeið Tennissamband Íslands verður haldið 19.-20. maí næstkomandi. Námskeiðið verður haldið í Íþróttamiðstöðinni Laugardal, Engjaveg 6, 104 Reykjavík, 3.hæð salur C og á Tennisvöllum Víkings, Traðarlandi 1, 108 Reykjavík. Kennari á námskeiðinu er tennisþjálfarinn Raj K. Bonifacius (s.820-0825). Lágmarksaldur á námskeiðið er 13 ára.

Dagskrá námskeiðs:

Laugardaginn, 19.maí, kl. 10-15 (ÍSÍ)
1. Grunnstigsnámskeið
2. Þjálfunaraðferðir í tengsl við nýju U10 tennisreglur
3. kl.12 hlé – Hádegismatur
4. Grunnstigsnámskeið
5. Heimavinnu
Lesefni í Grunnstigsmöppu

Sunnudaginn, 20.maí, kl. 10 – 14 (ÍSÍ)
6. Grunnstigsnámskeið (áfram)
7. kl.12 hlé – Hádegismatur
8. 15 mínútur 2ja – 3ja manna kynning (viðfangsefni: eitt dag í tennisskóla)

Sunnudaginn, 20.maí, kl. 15 – 17 (Tennisvellir Víkings)
9. Verklegt nám inná velli

Í framhaldi skrifa nemendur stutta ritgerð um eftirfarandi efni:
1. 3 valkostir (velja 2)
Grunnstig
a. Hvað felst í fyrstu 5 kennslustundunum?
b. Hvað getur verið hættulegt í tenniskennslu og hvernig getum við komið í
veg fyrir þessa áhættu sem kennarar?
c. Hvað kosti hefur það fyrir tenniskennara að vera skipulagður í kennslu?
2. Ritgerð
a. Má vera handskrifað eða í tölvutæku formi
b. 2 blaðsíður; 1,5 linubil
c. skiladagur 30.júní – senda á ritgerd@tennis.is

Vinsamlegast skráið ykkur með því að fylla út í formið hér fyrir neðan:

Listi yfir skráða má sjá hér.

Lesa frétt

Dómaranámskeið TSÍ fyrir alla fædd 1998 og fyrr sem hafa áhuga á að rifja upp tennisreglurnar og læra að dæma – bæði sem línudómari og /eða stóladómari. Kennslan verður bæði bókleg og verkleg. Bóklega kennslan verður kennd í sal Knattspyrnufélags Víkings, Traðarlandi 1 og verklega kennslan í Tennishöllinni.

Laugardagur 12.maí 2012
Kl 9:00 -16:00 – Bóklegt

Sunnudagur 13. maí 2012
Kl 13:00 – 18:00 – Bóklegt

Síðasti skráningardagur er fimmtudaginn 10.maí. Námskeiðið stendur öllum til boða og að kostnaðarlausu.

Konur eru sérstaklega hvattar til að mæta enda vantar fleiri kvennadómara í tennishreyfinguna.

Leiðbeinendur á námskeiðinu eru Óskar Knudsen og Raj K. Bonifacius.

Hægt er að skrá sig í Tennishöllinni, í síma 820-0825 eða hér fyrir neðan:

Listi yfir skráða má sjá hér.

Lesa frétt

Helgi Þór Jónasson er áfram formaður Tennissamband Íslands

24.ársþingi TSÍ lauk síðastliðið þriðjudagskvöld um 20:00 sem fór fram í Íþróttamiðstöðinni Laugardal. Aðalstjórnin hélst óbreytt en það varð ein breyting á varastjórn.

Helgi Þór Jónasson var sjálfkjörinn nýr formaður Tennissambands Íslands.  Þrándur Arnþórsson og Bragi Leifur Hauksson voru sjálfkjörnir áfram í aðalstjórn til tveggja ára. Fyrir sitja í aðalstjórn Gunnar Þór Finnbjörnsson og Júlíana Jónsdóttir. Kosnir voru áfram í varastjórn Jónas Páll Björnsson, Jón Axel Jónsson og Raj K. Bonifacius. Skjöldur Vatnar Björnsson gaf ekki kost á sér áfram í varastjórn.

Lesa frétt

Ársþing Tennissambands Íslands verður haldið þriðjudaginn 24. apríl í Íþróttamiðstöðinni í
Laugardalnum á 3.hæð og hefst kl. 18:30.

Dagskrá:

1. Þingsetning kl. 18:30.

2. Kosnir fastir starfsmenn þingsins.

3. Kosnar fastar nefndir:
a) 3 menn í kjörbréfanefnd.
b) 3 menn í fjárhagsnefnd.
c) 3 menn í laga- og leikreglnanefnd.
d) 3 menn í allsherjarnefnd.
e) 3 menn í kjörnefnd.

4. Skýrsla stjórnar og fundargerð síðasta ársþings.

5. Gjaldkeri leggur fram endurskoðaða reikninga til samþykktar.

6. Stjórnin leggur fram fjárhagsáætlun fyrir næsta starfsár.

7. Lagðar fram tillögur um laga- og leikreglnabreytingar ef fram koma.

8. Umræður um tillögur og önnur mál sem borist hafa til stjórnar.

9. Nefndarálit um tillögur lögð fram og atkvæðagreiðslur um þær.

10. Önnur mál.

11. Kosning stjórnar, varastjórnar, skoðunarmanna reikninga og fulltrúa á íþróttaþing.

12. Þingfundargerðir lesnar og staðfestar.

13. Þingslit.

Lesa frétt

T.V. Helgi Þór Jónasson formaður, Hjördís Rósa Guðmundsdóttir tenniskonar ársins og Arnar Sigurðsson tennismaður ársins

Árshátíð Tennissamband Íslands fór fram síðastliðin laugardag og var haldin í Víkinni. Þetta er þriðja árið í röð sem árshátíð TSÍ er haldin og er hún orðin ein af föstum viðburðum tennisársins.

Dagskráin var fjölbreytt og skemmtileg að venju. Boðið var upp á þriggja rétta máltíð. Formaður TSÍ ávarpaði gesti og veitti viðurkenningar. Raj K. Bonifacius var með innleg í Dómarahorninu, spurningakeppni var á milli borða var í umsjón Bjarna spurningaspekúlants og skemmtanastjóra, Tito Puente óperusöngvari tók lagið , karókí og hljómsveitin Maggi, Raj og Íslandsmeistarinn (Bjarni) tóku nokkur vel valin lög.

Jónas fékk gullmerki TSÍ og stóð sig líka vel í karókí keppninni

Formaður TSÍ, Helgi Þór Jónasson, veitti Jónasi Páli Björnssyni framkvæmdastjóra Tennishallarinnar, stjórnar- og nefndarmanni TSÍ til margra ára, gullmerki TSÍ fyrir framlag sitt til tennisíþróttarinnar.

Arnar Sigurðsson úr Tennisfélagi Kópavogs var kjörin tennismaður ársins 2011. Þetta er í fimmtánda skipti sem Arnar hlýtur tilnefninguna og jafnoft hefur hann verið Íslandsmeistari utanhúss eða allt frá árinu 1997. Arnar var tvöfaldur Íslandsmeistari utanhúss á árinu í einliða- og tvíliðaleik.

Hjördís Rósa Guðmundsdóttir úr Badmintonfélagi Hafnafjarðar var kjörin tenniskona ársins. Þetta er í fyrsta skipti sem Hjördís Rósa hlýtur þessa tilnefningu enda er hún einungis 14 ára gömul og ljóst að mikið efni er hér á ferð. Hjördís Rósa náði þeim merka áfanga að vera fjórfaldur íslandsmeistari innanhúss og utanhúss í einliðaleik, þ.e. í U14, U16, U18 og meistaraflokki kvenna. Auk þess var hún Íslandsmeistari utanhúss í tvíliðaleik í U18 og tvöfaldur íslandsmeistari innanhúss í tvíliðaleik, þ.e. í U14 ára og meistaraflokki kvenna.

Hægt er að sjá yfirlit yfir alla sem hafa verið kjörin tennismaður og tenniskona ársins frá upphafi hér.

Lesa frétt

Árshátíð Tennissamband Íslands verður haldin 3.desember næstkomandi í Víkinni Traðarlandi 1, 108 Reykjavík. Boðið er upp á þriggja rétta matseðil. Auglýsingu má sjá hér.

Matseðill

Forréttur

• Tom Kha Gai Kjúklingasúpa að austurlenskum hætti

Aðalréttir

• Kjúklingspjót í sate
• Lambakjöt í ostrusósu
• Svínakjöt í massaman
• Steiktur þorskur í engifersósu
• Djúpsteiktar rækjur m/súrsætri sósu
• Blandað grænmeti í kókoshnetusósu
• Hrísgrjón og fjölbreyttar sósur

Eftirréttur

• Drauma súkkulaðikaka með rjóma
• Kaffi/Mjólk

Gos innifalið.
Rauðvín, hvítvín og bjór selt á staðnum gegn vægu gjaldi.
Verð: 3.800 kr.

Skemmtun

• Stutt en æsispennandi spurningakeppni Bjarna
• Dómarahornið
• Maggi “slash” á gítar + vinir
• Karókíkeppni milli borða
• DJ BJ
• Og sitthvað fleira

Verðlaunaafhending

• Tenniskona og tennismaður ársins

Húsið opnar kl 19. Aldurstakmark 16 ára.

Hægt er að skrá sig hér fyrir neðan. Staðfesta þarf skráningu með greiðslu eigi síðar en 30.nóvember á reikning 313-26-10610, kennitala 700688-1439. Netfang: tennis@tennis.is  s. 820-0825.

Listi yfir skráða má sjá hér.

Lesa frétt

Hrovje Zmajic

Hrvoje Zmajic, framkvæmdastjóri þróunarmála tennis í Evrópu (ITF/Tennis Europe Development Officer), kom hingað til lands 12.-15.september á vegum Tennissamband Íslands.

Búið var að skipuleggja heimsókn Hrovje til hins ýtrasta og koma á fundum með öllum helstu aðilum er koma að tennisíþróttinni á Íslandi.

Hrovje átti góðan fund með stjórn Tennissambandi Íslands þar sem meðal annars var rætt um þróun tennismála á Íslandi. Hann hélt námskeið fyrir tennisþjálfara, fylgdist með þjálfun fjögurra bestu spilara U9 og U13 ára og hvernig ólíkir tennisþjálfarar þjálfa á æfingum í Tennishöllinni.

Hann átti einnig fund með ÍSÍ þar sem rætt var meðal annars um tennisaðstöðu á Íslandi. Auk þess hitti hann fulltrúa frá Háskóla Íslands þar sem ákveðið var að keyra tenniskennslu inn í íþróttadeildina við Háskóla Íslands (Íþróttakennaraskólann á Laugarvatni) fyrir skólaárið 2012-2013. Alþjóða tennissambandið mun útvega 25 tennisspaða, bolta og mini-tennisnet fyrir háskólann ásamt kennsluefninu.

Þessi heimsókn var mjög góð og mun reynsla og þekking Hrovje vafalaust aðstoða Tennissambandið við að byggja upp tennisíþróttina á Íslandi.

Lesa frétt

Grunnstigs þjálfaranámskeið Tennissamband Íslands verður haldið 28.-29. maí næstkomandi. Námskeiðið verður haldið í Íþróttamiðstöðinni Laugardal, Engjaveg 6, 104 Reykjavík, 3.hæð salur C og á Tennisvöllum Víkings, Traðarlandi 1, 108 Reykjavík. Kennarar á námskeiðinu eru tennisþjálfararnir Jón Axel Jónsson (s.659-7777) og Raj K. Bonifacius (s.820-0825). Lágmarksaldur á námskeiðið er 13 ára.

Dagskrá námskeiðs:

Laugardaginn, 28.maí, kl. 10-15 (ÍSÍ)

1. Grunnstigsnámskeið
2. kl.12 hlé – Hádegismatur
3. Grunnstigsnámskeið
4. Heimavinnu fyrir fimmtudaginn, 3.júní
Lesefni í Grunnstigsmöppu

Sunnudaginn, 29.maí, kl. 10 – 14 (ÍSÍ)
5. Grunnstigsnámskeið (áfram)
6. kl.12 hlé – Hádegismatur
7. 15 mínútur 2ja – 3ja manna kynning (viðfangsefni: eitt dag í tennisskóla)

Sunnudaginn, 29.maí, kl. 15 – 17 (Tennisvellir Víkings)

8. Verklegt nám inn á velli

Í framhaldi skrifa nemendur stutta ritgerð um eftirfarandi efni:

1. 3 valkostir (velja 2)
a. Hvað felst í fyrstu 5 kennslustundunum?
b. Hvað getur verið hættulegt í tenniskennslu og hvernig getum við komið í veg fyrir þessa áhættu sem kennarar?
c. Hvað kosti hefur það fyrir tenniskennara að vera skipulagður í kennslu?
2. Ritgerð
a. Má vera handskrifað eða í tölvutæku formi og send a ritgerd@tennis.is
b. 4 blaðsíður; 1,5 linubil
c. skiladagur 30.júní

Lesa frétt

Verðlaunahafar í meistaraflokki karla. F.v. Jón Axel, Birkir, Andri og Vladimir

Íslandsmóti innanhúss lauk síðastliðin  miðvikudag með úrslitaleik í meistaraflokki karla. Í úrslitaleiknum mættust Andri Jónsson úr Badmintonfélagi Hafnafjarðar og Birkir Gunnarsson úr Tennisfélagi Kópavogs. Andri sigraði 6-4 og 6-4 og landaði þar með sínum fyrsta Íslandsmeistaratitli innanhúss í meistaraflokki.

Hjördís Rósa Guðmundsdóttir náði þeim merka áfanga að vera fjórfaldur íslandsmeistari í einliðaleik, þ.e. í U14, U16, U18 og meistaraflokki kvenna. Auk þess var hún tvöfaldur íslandsmeistari í tvíliðaleik, þ.e. í U14 ára og meistaraflokki kvenna. Stórglæsilegur árangur hjá þessari ungu og efnilegu stelpu.

Önnur úrslit úr mótinu má sjá hér.

Íslandsmeistarar innanhúss 2011

Ívan Kumar Bonifacius – Mini tennis og U10 strákar
Sofia Sóley Jónasdóttir – U10 stelpur
Óliver Adam Krisjánsson – U12 strákar
Anna Soffía Grönholm – U12 stelpur
Sverrir Bartalozzi – U14 strákar
Hjördís Rósa Guðmundsdóttir – U14, U16, U18  og meistaraflokkur kvenna
Hinrik Helgason – U16 og U18 strákar
Andri Jónsson – meistaraflokkur kvenna
Davíð Elí Halldórsson – 30 ára og eldri karlar
Rut Steinsen – 30 og 40 ára og eldri konur
Ólafur Helgi Jónsson – 40 ára og eldri karlar

Tvíliðaleikur meistaraflokkur kvenna – Hjördís Rósa Guðmundsdóttir og Anna Soffía Grönholm

Lesa frétt

Birkir og Andri mætast í úrslitum

Íslandsmóti innanhúss lýkur í dag með úrslitaleik í meistaraflokki karla kl 16:30. Þar mætast í úrslitum Andri Jónsson úr Badmintonfélagi Hafnafjarðar og Birkir Gunnarsson úr Tennisfélagi Kópavogs. Andri sigraði Davíð Elí Halldórsson Tennisfélagi Kópavogs í undanúrslitum 6-0 og 6-1. Birkir sigraði Jón Axel Jónsson UMFÁ í undanúrslitum 6-3 og 6-0.

Hjördís Rósa Guðmundsdóttir var íslandsmeistari innanhúss í meistaraflokki kvenna. Það vantaði okkar sterkustu keppendur í meistaraflokk kvenna þar sem báðar landsliðskonurnar Sandra Dís Kristjánsdóttir og Iris Staub eru búsettar erlendis og gátu ekki keppt á mótinu að þessu sinni. Einungis voru þrír keppendur í meistaraflokk kvenna og þar sem allar sigruðu alla þurfti að telja lotur til að skera úr um hver væri íslandsmeistari.

Hjördís Rósa er Íslandsmeistari innanhúss í einliðaleik kvenna

Úrslitin í meistaraflokki kvenna voru eftirfarandi:

Hjördís Rósa Guðmundsdóttir sigraði Rögnu Sigurðardóttir 9-5

Hera Björk Brynjarsdóttir sigraði Hjördísi 9-7

Ragna Sigurðardóttir sigraði Heru Björk Brynjarsdóttir 9-6

Verðlaunaafhending og pizzapartý verður á föstudaginn 22.apríl kl 15:30 í Tennishöllinni Kópavogi.

Lesa frétt

Helgi Þór Jónasson er nýr formaður Tennissamband Íslands

23.ársþingi TSÍ lauk nú í kvöld um 21:30. Rakel Pétursdóttir sem hafði verið formaður Tennissambands Íslands í eitt ár gaf ekki kost á sér áfram í formannssætið.

Helgi Þór Jónasson var sjálfkjörinn nýr formaður Tennissambands Íslands en hann var meðstjórnandi í stjórninni á síðasta ári og í varastjórn árið áður. Hafsteinn Dan Kristjánsson gaf ekki kost á sér áfram eftir 5 ára stjórnarsetu og Ingólfur Hjörleifsson hætti eftir 4 ára stjórnarsetu. Gunnar Þór Finnbjörnsson var kosin áfram í stjórn. Ný í stjórn voru kosin Þrándur Arnþórsson sem var í varastjórn áður áður, Júlíana Jónsdóttir og Bragi Leifur Hauksson. Gunnar og Júlíana voru kosin til tveggja ára en Þrándur og Bragi til eins árs. Í varastjórn koma nýir inn Jón Axel Jónsson og Raj K. Bonifacius. Kosnir voru áfram í varastjórn Jónas Páll Björnsson og Skjöldur Vatnar Björnsson

Lesa frétt

Ársþing Tennissambands Íslands verður haldið í kvöld 19. apríl í Sal KSÍ í Laugardalnum á 3.hæð og hefst kl. 18:30.

Dagskrá:

1 Þingsetning kl. 18:30.
2 Kosnir fastir starfsmenn þingsins.
3 Kosnar fastar nefndir:
a) 3 menn í kjörbréfanefnd.
b) 3 menn í fjárhagsnefnd.
c) 3 menn í laga- og leikreglnanefnd.
d) 3 menn í alsherjarnefnd.
e) 3 menn í kjörnefnd.
4 Skýrsla stjórnar og fundargerð síðasta ársþings.
5 Gjaldkeri leggur fram endurskoðaða reikninga til samþykktar.
6 Stjórnin leggur fram fjárhagsáætlun fyrir næsta starfsár.
7 Lagðar fram tillögur um laga- og leikreglnabreytingar ef fram koma.
8 Umræður um tillögur og önnur mál sem borist hafa til stjórnar.

Þinghlé

9 Nefndarálit um tillögur lögð fram og atkvæðagreiðslur um þær.
10 Önnur mál.
11 Kosning stjórnar, varastjórnar, skoðunarmanna reikninga og fulltrúa á íþróttaþing.
12 Þingfundargerðir lesnar og staðfestar.
13 Þingslit.

Kveðja, f.h. TSÍ_____________________
Rakel Pétursdóttir

Lesa frétt