Tennissamband Íslands

HEAD ICELANDIC OPEN U16 tennismót í Evrópsku mótaröðinni verður haldið á Tennisvöllum Víkings 18.-26.ágúst næsttkomandi. Mótið er opið fyrir stráka og stelpur fædd 1996, 1997, 1998 og 1999. Allir geta keppt bæði í einliða- og tvíliðaleik.

Nokkrar leiðbeiningar til að taka þátt í mótinu
1. Sækja um iPin númer á heimasíðu TennisEurope – www.tenniseurope.org
2. Búa til “tennis europe account”
3. Skrá sig í mótið

Síðasti skráningadagur er 20.júlí.

Spurningar?
Hafðu samband við Raj í s.820-0825 eða með tölvupósti - tennis@tennis.is

Lesa frétt

Andri sigraði í hörkuleik

Ísland lauk þátttöku á Davis Cup á föstudaginn með 1-2 ósigri gegn Möltu.

Andri Jónsson gaf Íslandi 1-0 forskot með því að sigra Denzil Agius í hörkuleik 6-4, 4-6 og 6-4. En það var ekki nóg því spilandi þjálfari Möltu, Matthew Asciak jafnaði metin með því að sigra Birki Gunnarsson örugglega 6-0 og 6-0.

Tvíliðaleikurinn skar því úr um hvort liðið færi með sigur af hólmi. Matthew Asciak og Mark Gatt sigruðu Andra Jónsson og Magnús Gunnarsson 6-1 og 6-3. Ísland endaði þar með í síðasta sæti þar sem þeir unnu engan leik á mótinu. Litháen og Búlgaría fóru upp um deild.

Lokaniðurstaðan var því eftirfarandi:
1= Litháen, Búlgaría, 3= Grikkland, Makedónía, 5= Noregur, Georgía, 7= Andorra, Armenía, 9= Malta, Svartfjallaland, 11= San Maríno, Albanía, 13. Ísland

Lesa frétt

Allir leikmenn íslenska landsliðsins spiluðu í gær

Ísland tapaði 3-0 gegn gríðasterku liði Grikklands á Davis Cup í gær.

Allir leikmenn íslenska landsliðsins spiluðu í gær. Birkir Gunnarsson og Andri Jónsson spiluðu einliðaleiki á móti númer 1 og 2 hjá Grikklandi. Andri Jónsson og Magnús Gunnarsson spiluðu tvíliðaleik á móti leikmönnum númer 3 og 4 hjá Grikklandi.

Andri Jónsson spilaði fyrsta leikinn á móti næst sterkasta leikmanni Grikklandi Theodoros Angelinos sem er númer 858 á heimslistanum. Andri tapaði 6-0 og 6-1.

Í öðrum leiknum tapaði Birkir Gunnarsson á móti sterkasta leikmanni Grikkland Paris Gemouchidis 6-0 6-1 sem er númer 64.

Í tvíliðaleiknum töpuðu Magnús Gunnarsson og Andri Jónsson 6-2 6-3 gegn Markos Kalovelonis sem er númer 1314 í heiminum og George Giotopoulos , en spiluðu þó mjög vel og óheppnir að næla sér ekki í fleiri lotur þar sem þeir voru vel inn í leiknum allan tímann.

Ísland mun því spila við Möltu í dag í sannkölluðum úrslitaleik þar sem bæði lið eru með 0 stig eftir fyrstu tvær viðureignir. Grikkland mun hins vegar spila við Noreg um laust sæti í undanúrslitum.

Lesa frétt

3-0 tap gegn sterku liði Noregs í fyrsta leik

Ísland spilaði sinn fyrsta leik á Davis Cup í gær en laut í lægra haldi fyrir geysisterku liði Noregs. Ísland lenti í fjögurra liða riðlinum með Noregi, Grikklandi og Möltu.

Andri Jónsson spilaði við Stian Boretti og tapaði 6-0 og 6-1 en Boretti er mjög sterkur tennisspilari og var númer 375 í heiminum fyrir nokkrum árum.

Birkir Gunnarsson spilaði við Erling Tveit og tapaði 6-0 og 6-0 en Tveit var númer 489 í heiminum fyrir nokkrum áru.

Í tvíliðaleik spiluðu Andri og Birkir á móti Joachim Bjerke og Carl Sundberg. Þetta var í fyrsta sinn sem Andri og Birkir spila saman í tvíliðaleik og þeir töpuðu 6-2 og 6-3. Leikurinn var þó jafnari en tölurnar gefa til kynna og vantaði lítið upp á að þeir myndu ná að vinna sett.

Ísland spilar við Grikkland í dag en Grikkir unnu Möltu sannfærandi 3-0 í gær.

Lesa frétt

Vertu með í ITN Sumarmótaröð Víkings í Tennis 2012. Fimm mót og verðlaun 100.000 kr. virði frá HEAD, WILSON, TOURNAGRIP OG LUXILON. Allir sem taka þátt hafa möguleika á að vinna – því oftar sem þú keppir því meiri líkur á að vinna. Hver kepptur leikur = 1 miði í happadrættispottinn.

Markmið með ITN styrkleikaflokknum er að allir byrja að keppa við jafnsterkan andstæðing og svo verður mótið erfiðara með hverri umferð. Allir nýir þátttakendur fá ITN númer miðað við mat mótstjórans og svo verður númerið uppfært eftir mótið.

HEAD Mótið, 4.-7.júní
WILSON Mótið,11. – 14.júní
TOURNAGRIP Mótið, 25. -28.júní
LUXILON Mótið, 2. – 5.júlí
VÍKINGS Mótið, 9. – 12.júlí

Mót hefjast kl.16.30 á hverjum degi og enginn leikur settur á eftir kl.21.30.

Mótsgjald mótaröð – 7.000 kr. / fædd 1996 & yngri; 11.000 kr. eldri
Mótsgjald einstaka mót – 2.000 kr. / fædd 1996 og yngri; 3.000 kr. eldri

SKRÁNING ER HAFIN Á WWW.TENNIS.IS

Öll mótin  verða spiluð á Tennisvöllum Víkings, Traðarland 1, 108 Reykjavík. 

Mótstjóri: Raj K. Bonifacius, s.820-0825 tennis@tennis.is

Lesa frétt

Miðnæturmótið 2008

Miðnæturmót Víkings í tennis verður haldið á Víkingsvöllum þriðjudagskvöldið 19.júní kl 18-23.

Mótið hentar öllum, jafnt byrjendum sem lengra komnum. Dregið verður saman í stutta tvíliðaleiki, þannig að með- og mótspilarar eru sjaldan þeir sömu. Í lokin eru allar unnar lotur taldar saman.

Mótsgjald 3.000 kr. Matur og drykkur er innifalið. Bikar, medallíur og tennisvörur í verðlaun.

Skráið ykkur sem fyrst – bara 16 manns komast inn í þessari keppni.

Skráning á tennis.is/skraningar og í síma 820-0825.

Lesa frétt

Magnús Gunnarsson (t.v.), Andri Jónsson spilandi þjálfari (fyrir miðju) og Birkir Gunnarsson (t.h.)

Karlalandslið Íslands er komið til Sofiu í Búlgaríu þar sem það keppir á  Davis Cup í 3.deild Evrópuliði. Þetta er sautjánda skiptið í röð sem Ísland keppir á Davis Cup eða allt frá árinu 1996.

Keppnin hefst á miðvikudaginn 2.maí og er leikið til laugardagsins 5.maí. Keppt er á leirvöllum utandyra.

Þrettán þjóðir taka þátt auk Íslands og eru: Albanía, Andorra, Armenía, Búlgaría,l Georgía, Grikkland, Litháen, Makedónía, Malta, Svartfjallaland, Noregur og San Marínó. Noregur, Búlgaría, Georgía, Grikkland, Litháen og Makedónía eru allt þjóðir með mikla tennishefð. En svo taka einnig þátt þjóðir eins og Malta, San Marínó og Andorra þar sem okkar möguleikar eru betri. Íslenska liðið er tilbúið í slaginn og ætlar að leggja allt í sölurnar til að bæta stöðu Íslands sem er númer 98 á heimslistanum sem stendur.

Keppt er í fjórum riðlum. Þremur þriggja liða riðlum og einum fjögurra liða riðli. Sigurvegarar í hverjum riðli keppa um hvaða tvær þjóðir fara upp í 2.deild.

Íslenska karlalandsliðið er þannig skipað í ár: Andri Jónsson BH (spilandi þjálfari) og bræðurnir Birkir Gunnarsson TFK og Magnús Gunnarsson TFK.

Lesa frétt

Birkir og Hjördís Rósa Íslandsmeistarar innanhúss 2012

Íslandsmóti innanhúss lauk síðastliðin mánudag í Tennishöllinni í Kópavogi. Í meistaraflokki kvenna mættust Hjördís Rósa Guðmundsdóttir úr Badmintonfélagi Hafnafjarðar og Anna Soffia Grönholm úr Tennisfélagi Kópavogs. Hjördís Rósa sigraði 6-3 og 6-1 og varð þar með Íslandsmeistari innanhúss í einliðaleik kvenna annað árið í röð. Hún varð einnig Íslandsmeistari í tvíliðaleik kvenna ásamt Önnu Soffiu og í tvenndarleik ásamt Jóni Axeli Jónssyni úr Tennisfélagi Kópavogs. Þá eru ótaldir Íslandsmeistaratitlar í einliðaleik í aldursflokkunum 14, 16 og 18 ára og yngri og í tvíliðaleik í 14 ára og yngri. Hjördís varð því sjöfaldur Íslandsmeistari ef allt er talið en hún er einungis þrettán ára gömul. Hjördís og Anna Soffia eru í nokkrum sérflokki og kepptu til úrslita í öllum fjórum flokkunum en Anna er ári yngri en Hjördís.

Í meistaraflokki karla mættust hinn gamalreyndi Raj K. Bonifacius úr Tennisdeild Víkings og Birkir Gunnarsson úr Tennisfélagi Kópavogs. Birkir sigraði í hörkuleik 0-6, 7-5 og 6-2 og landaði þar með sínum fyrsta Íslandsmeistaratitli innanhúss í meistaraflokki. Þetta var jafnframt í fyrsta sinn sem Birkir sigrar Raj á móti.

Prúðustu leikmenn mótsins: Gunnar Pétur og Sofia Sóley

Í tvíliðaleik kvenna spiluðu Hjördís Rósa og Anna Soffia á móti Heru Björk Brynjarsdóttir úr Tennisdeild Fjölnis og Rögnu Sigurðardóttir úr Tennisfélagi Kópavogs. Hjördís Rósa og Anna Soffia sigruðu 9-1 og urðu þar með Íslandsmeistarar í tvíliðaleik kvenna.

Í tvíliðaleik karla spiluðu Magnús Gunnarsson úr Tennisfélagi Kópavogs og Raj K. Bonifacius úr Tennisdeild Víkings á móti Birki Gunnarssyni úr Tennisfélagi Kópavogs og Rafni Kumari Bonifacius úr Tennisdeild Víkings. Magnús og Raj sigruðu 9-5 og urðu þar með Íslandsmeistarar í tvíliðaleik karla. Þess má geta að Magnús og Birkir eru bræður og Raj og Rafn eru feðgar þannig að það má segja að það hafi verið fjölskylduslagur.

Í úrslitaleik tvenndar sigruðu Hjördís Rósa Guðmundsdóttir og Jón Axel Jónsson þau Hinrik Helgason og Rögnu Sigurðardóttir 9-3.

Gunnar Pétur Daðason og Sofía Sóley Jónasdóttir voru útnefnd sem prúðustu leikmenn mótsins.

Öll önnur úrslit má sjá hér fyrir neðan:

Meistaraflokkur

• Meistaraflokkur karla einliðaleikur
• Meistaraflokkur kvenna einliðaleikur
• Meistaraflokkur karla tvíliðaleikur
• Meistaraflokkur kvenna tvíliðaleikur
• Meistaraflokkur tvenndarleikur

Barna- og unglingaflokkar

• 18 ára og yngri strákar
• 18 ára og yngri stelpur
• 18 ára og yngri tvíliðaleikur
• 16 ára og yngri strákar
• 16 ára og yngri stelpur
• 14 ára og yngri strákar
• 14 ára og yngri stelpur
• 14 ára og yngri tvíliðaleikur
• 12 ára og yngri stelpur
• 12 ára og yngri strákar
• 10 ára og yngri strákar
• 10 ára og yngri stelpur

Öðlingaflokkar

• 30 ára og eldri einliðaleikur
• 30 ára og eldri tvíliðaleikur
• 40 ára og eldri einliðaleikur

Lesa frétt

Verðlaunaafhending og pizzuveisla Íslandsmóts innanhúss verður í Víkingsheimilinu Traðarlandi 1 á morgun, miðvikudaginn 25.apríl kl 19-20.

Lesa frétt

Íslandsmót innanhús hefst á morgun fimmtudaginn 19.apríl.

Mótskrár fyrir mótið má sjá hér fyrir neðan:

Meistaraflokkur

• Meistaraflokkur karla einliðaleikur
• Meistaraflokkur kvenna einliðaleikur
• Meistaraflokkur karla tvíliðaleikur
• Meistaraflokkur kvenna tvíliðaleikur
• Meistaraflokkur tvenndarleikur

Barna- og unglingaflokkar

• 18 ára og yngri strákar
• 18 ára og yngri stelpur
• 18 ára og yngri tvíliðaleikur
• 16 ára og yngri strákar
• 16 ára og yngri stelpur
• 14 ára og yngri strákar
• 14 ára og yngri stelpur
• 14 ára og yngri tvíliðaleikur
• 12 ára og yngri stelpur
• 12 ára og yngri strákar
• 10 ára og yngri strákar
• 10 ára og yngri stelpur

Öðlingaflokkar

• 30 ára og eldri einliðaleikur
• 30 ára og eldri tvíliðaleikur
• 40 ára og eldri einliðaleikur

Mini tennis mótið fyrir krakka 10 ára og yngri (fædd 2002 og yngri) og 12 ára og yngri (fædd 2000 og 2001) verður á þriðjudaginn, 24.apríl, kl.15.30-17.00. Verðlaunafhending og lítil pizzapartý strax á eftir.

Listi yfir alla skráða keppendur og í hvaða flokka þeir eru skráðir má sjá hér.

Ath. Leikmenn eru minntir á að mæta tímalega fyrir leikinn sinn. Farið verður eftir eftirfarandi reglum TSÍ:

• 1 mínúta of seint = tapar 1 lotu
• 6 mínútum of seint = tapar 2 lotum
• 11 mínútum of seint = tapar 3 lotum
• 16 mínútum of seint = tapar leiknum

Það verður engin undantekning varðandi þessar reglur og hvetur mótstjórinn ykkur til að undirbúa ykkur fyrir leikinn með því að mæta fyrr og hita upp með því að skokka, sippa, teygja eða slá á móti vegg við útivellina. Upphitunartími fyrir hvern leik er 5 mínútur.

Mótstjóri: Raj K. Bonifacius, s.820-0825 tennis@tennis.is

Lesa frétt

Íslandsmót innanhúss í tennis verður haldið í Tennishöllinni Kópavogi 19.-23. apríl næstkomandi.

Keppt verður í eftirfarandi flokkum:

• Mini tennis fyrir þau yngstu (fædd árið 2002 eða seinna)
• Barna- og unglingaflokkar 10, 12, 14, 16, 18 ára og yngri. Einliða- og tvíliðaleikur.
• Meistaraflokkur karla og kvenna. Einliða-, tvíliða- og tvenndarleikur.
• Öðlingaflokkar, 30, 40 og 60 ára og eldri. Einliða- og tvíliðaleikur.

Mótsgjald:
Einliðaleikur – 1.000 kr./mini tennis;  2.000 kr./18 ára og yngri  3.000 kr. fullorðnir. 
Tvíliðaleikur – 1.000 kr./ börn og unglingar  2.000 kr fullorðnir.

 Hægt er að greiða mótgjald fyrir fyrsta leik en ef það er ekki gert verður sendur greiðsluseðill fyrir mótgjaldinu og bætist þá við seðilgjald upp á 295 kr.

 Skráning er hér á síðunni.

Síðasti skráningar og afskráningardagur fyrir mótið er 16. apríl.

Verðlaunaafhending og pizzuveisla fer fram strax eftir úrslitaleiki í einliðaleik í meistaraflokkum í kvenna- og karlaflokki.    

Mótskrá:      Tilbúin 18.apríl á tennissamband.is

Skráningu í mótið er lokið.

Listi yfir skráða keppendur má sjá hér.

Lesa frétt

Hera Björk Brynjarsdóttir og Anna Soffia Grönholm

3.Stórmót TSÍ lauk í gær með úrslitaleikjum í kvenna- og karlaflokki í Tennishöllinni í Kópavogi. Raj Kumar Bonifacius úr Tennisdeild Víkings sigraði Vladimir Ristic úr Tennisfélagi Kópavogs 6-4 og 6-1 í karlaflokki. Í kvennaflokki mættust Hera Björk Brynjarsdóttir úr Tennisdeild Fjölnis og Anna Soffia Grönhölm úr Tennisfélagi Kópavogs. Leikurinn var jafn og spennandi og endaði með sigri Heru í þremur settum 4-6, 6-3 og 7-5.

Í mini tennis 12 ára og yngri strákar og stelpur sigraði Melkorka Ingibjörg Pálsdóttir.

Raj K. Bonifacius og Vladimir Ristic

Í mini tennis 10 ára og yngri strákar og stelpur sigraði Arna Sólrún Heimisdóttir.

 Nánari úrslit úr mótinu má sjá hér fyrir neðan:

• ITN styrkleikaflokkur einliða
• ITN styrkleikaflokkur tvíliða
• 10 og 12 ára og yngri

Lesa frétt