Tennissamband Íslands

Andri sigraði í hörkuleik

Ísland lauk þátttöku á Davis Cup á föstudaginn með 1-2 ósigri gegn Möltu.

Andri Jónsson gaf Íslandi 1-0 forskot með því að sigra Denzil Agius í hörkuleik 6-4, 4-6 og 6-4. En það var ekki nóg því spilandi þjálfari Möltu, Matthew Asciak jafnaði metin með því að sigra Birki Gunnarsson örugglega 6-0 og 6-0.

Tvíliðaleikurinn skar því úr um hvort liðið færi með sigur af hólmi. Matthew Asciak og Mark Gatt sigruðu Andra Jónsson og Magnús Gunnarsson 6-1 og 6-3. Ísland endaði þar með í síðasta sæti þar sem þeir unnu engan leik á mótinu. Litháen og Búlgaría fóru upp um deild.

Lokaniðurstaðan var því eftirfarandi:
1= Litháen, Búlgaría, 3= Grikkland, Makedónía, 5= Noregur, Georgía, 7= Andorra, Armenía, 9= Malta, Svartfjallaland, 11= San Maríno, Albanía, 13. Ísland

Lesa frétt

Allir leikmenn íslenska landsliðsins spiluðu í gær

Ísland tapaði 3-0 gegn gríðasterku liði Grikklands á Davis Cup í gær.

Allir leikmenn íslenska landsliðsins spiluðu í gær. Birkir Gunnarsson og Andri Jónsson spiluðu einliðaleiki á móti númer 1 og 2 hjá Grikklandi. Andri Jónsson og Magnús Gunnarsson spiluðu tvíliðaleik á móti leikmönnum númer 3 og 4 hjá Grikklandi.

Andri Jónsson spilaði fyrsta leikinn á móti næst sterkasta leikmanni Grikklandi Theodoros Angelinos sem er númer 858 á heimslistanum. Andri tapaði 6-0 og 6-1.

Í öðrum leiknum tapaði Birkir Gunnarsson á móti sterkasta leikmanni Grikkland Paris Gemouchidis 6-0 6-1 sem er númer 64.

Í tvíliðaleiknum töpuðu Magnús Gunnarsson og Andri Jónsson 6-2 6-3 gegn Markos Kalovelonis sem er númer 1314 í heiminum og George Giotopoulos , en spiluðu þó mjög vel og óheppnir að næla sér ekki í fleiri lotur þar sem þeir voru vel inn í leiknum allan tímann.

Ísland mun því spila við Möltu í dag í sannkölluðum úrslitaleik þar sem bæði lið eru með 0 stig eftir fyrstu tvær viðureignir. Grikkland mun hins vegar spila við Noreg um laust sæti í undanúrslitum.

Lesa frétt

3-0 tap gegn sterku liði Noregs í fyrsta leik

Ísland spilaði sinn fyrsta leik á Davis Cup í gær en laut í lægra haldi fyrir geysisterku liði Noregs. Ísland lenti í fjögurra liða riðlinum með Noregi, Grikklandi og Möltu.

Andri Jónsson spilaði við Stian Boretti og tapaði 6-0 og 6-1 en Boretti er mjög sterkur tennisspilari og var númer 375 í heiminum fyrir nokkrum árum.

Birkir Gunnarsson spilaði við Erling Tveit og tapaði 6-0 og 6-0 en Tveit var númer 489 í heiminum fyrir nokkrum áru.

Í tvíliðaleik spiluðu Andri og Birkir á móti Joachim Bjerke og Carl Sundberg. Þetta var í fyrsta sinn sem Andri og Birkir spila saman í tvíliðaleik og þeir töpuðu 6-2 og 6-3. Leikurinn var þó jafnari en tölurnar gefa til kynna og vantaði lítið upp á að þeir myndu ná að vinna sett.

Ísland spilar við Grikkland í dag en Grikkir unnu Möltu sannfærandi 3-0 í gær.

Lesa frétt

Magnús Gunnarsson (t.v.), Andri Jónsson spilandi þjálfari (fyrir miðju) og Birkir Gunnarsson (t.h.)

Karlalandslið Íslands er komið til Sofiu í Búlgaríu þar sem það keppir á  Davis Cup í 3.deild Evrópuliði. Þetta er sautjánda skiptið í röð sem Ísland keppir á Davis Cup eða allt frá árinu 1996.

Keppnin hefst á miðvikudaginn 2.maí og er leikið til laugardagsins 5.maí. Keppt er á leirvöllum utandyra.

Þrettán þjóðir taka þátt auk Íslands og eru: Albanía, Andorra, Armenía, Búlgaría,l Georgía, Grikkland, Litháen, Makedónía, Malta, Svartfjallaland, Noregur og San Marínó. Noregur, Búlgaría, Georgía, Grikkland, Litháen og Makedónía eru allt þjóðir með mikla tennishefð. En svo taka einnig þátt þjóðir eins og Malta, San Marínó og Andorra þar sem okkar möguleikar eru betri. Íslenska liðið er tilbúið í slaginn og ætlar að leggja allt í sölurnar til að bæta stöðu Íslands sem er númer 98 á heimslistanum sem stendur.

Keppt er í fjórum riðlum. Þremur þriggja liða riðlum og einum fjögurra liða riðli. Sigurvegarar í hverjum riðli keppa um hvaða tvær þjóðir fara upp í 2.deild.

Íslenska karlalandsliðið er þannig skipað í ár: Andri Jónsson BH (spilandi þjálfari) og bræðurnir Birkir Gunnarsson TFK og Magnús Gunnarsson TFK.

Lesa frétt

F.V. Sverrir, Vladimir, Eirfinna og Hera

11. Ólympíuhátíð Evrópuæskunnar sem fór fram í Trabzon í Tyrklandi lauk 29.júlí síðastliðin. Íslenska liðið var skipað af fjórum eftrirtöldum leikmönnum: Eirfinna Mánadís Chen Ragnarsdóttir, Hera Björk Brynjarsdóttir, Sverrir Bartolozzi og Vladimir Ristic. Anna Podolskaia var þjálfari liðsins. Keppt var bæði í einliða- og tvíliðaleik. Íslensku keppendurnir féllu allir út í fyrstu umferð bæði í einliða- og tvíliðaleik.

Úrslit íslensku keppendanna í einliðaleik:

Eirfinna Manadis Chen Ragnarsdóttir tapaði 6-0 og 6-0 fyrir Kristynu Rouckovu (#343) frá Tékklandi.
Hera Björk Brynjarsdóttir tapaði í tveimur settum 6-0 og 6-0 fyrir Ugne Parazinskaite (#373) frá Litháen.
Sverrir Bartolozzi tapaði 6-0 og 6-0 fyrir Phillip Gresk (#155) frá Póllandi.
Vladimir Ristic tapaði í tveimur settum 6-1 og 6-3 fyrir Frederik Oervad (#841) frá Danmörku.

Úrsliti íslensku keppendanna í tvíliðaleik:

Eirfinna Manadis Chen Ragnarsdóttir og Hera Björk Brynjarsdóttir töpuðu fyrir Helene Scholsen og Caroline Bel Daxhelet (#433) frá Belgíu í tveimur settum 6-2 og 6-1.
Sverrir Bartolozzi og Vladimir Ristic töpuðu fyrir Samuel Hodor og Matej Svk Buril (#492) frá Slóvakíu (#492) 6-3 og 6-2.

Þetta var virkilega góð ferð og gríðarleg reynsla fyrir íslensku keppendurnar.

Næstu leikar fara fram árið 2013 í borginni Utrecht í Hollandi.

Lesa frétt

Iris og Sandra Dís eru lengst til vinstri á myndinni

Iris Staub og Sandra Dís Kristjánsdóttir spiluðu á móti Kimberley Cassar og Elena Jetcheva frá Möltu í undanúrslitum tvíliðaleik kvenna á Smáþjóðaleikunum í gær. Maltneskur stelpurnar voru of sterkar fyrir þær íslensku sem töpuðu í tveimur settum 6-1 og 6-2. En þar sem ekki er keppt um þriðja sætið þá unnu Iris og Sandra Dís til bronsverðlauna. Glæsilegur árangur hjá þeim.

Lesa frétt

Sandra Dís er í fyrsta skipti í undanúrslitum í tvíliðaleik á Smáþjóðaleikunum

Iris Staub og Sandra Dís Kristjánsdóttir komust í dag áfram í undanúrslit í tvíliðaleik kvenna á Smáþjóðaleikunum. Þær sigruðu tvíliðaleikspar frá Andorru nokkuð örugglega 6-1 og 6-2. Þar með eru þær öruggar með bronsverðlaun þar sem ekki er keppt um þriðja sætið. Í undanúrslitum sem fara fram á morgun mæta þær sterku pari frá Möltu.

Arnar Sigurðsson og Birkir Gunnarsson töpuðu á móti tvíliðaleikspari frá Liechtenstein 6-2 6-4. Þar með eru þeir úr leik í tvíliðaleik karla en þeir náðu í bronsverðlaun í þeim flokki á síðustu Smáþjóðaleikum.

Lesa frétt

Arnar Sigurðsson og Sandra Dís Kristjánsdóttir féllu bæði úr leik í einliðaleik á Smáþjóðaleikunum. Þar með er allt íslenska landsliðið fallið úr leik í einliðaleik.

Arnar átti ekki góðan leik í dag og tapaði á móti Matthew Asciack frá Möltu 6-0 6-0 en Arnar hefur unnið hann fjórum til fimm sinnum áður.

Sandra Dís tapaði á móti Louise-Alice Gambarini frá Mónakó 6-1 6-0.

Lesa frétt

Arnar Sigurðsson

Arnar Sigurðsson og Iris Staub féllu naumlega úr leik í tvenndarleik á Smáþjóðaleikunum í dag. Þau voru mjög óheppin með dráttinn þar sem þau lentu á móti besta tvenndarparinu í fyrstu umferð. Þau kepptu á móti Claudine Schaul og Mike Vermeer frá Lúxemborg.

Schaul og Vermeer unnu fyrsta settið 6-4. Arnar og Iris komu sterk til baka og unnu næsta settið 6-3. Þriðja settið var súper oddalota sem Arnar og Iris töpuðu 10-4. Gríðarlega mikil vonbrigði fyrir Arnar og Irisi sem voru hársbreidd frá því að komast áfram og hefðu þá að öllum líkindum farið alla leið í úrslitaleikinn þar sem hinir andstæðingarnar voru ekki eins sterkir.

Á morgun spila Iris og Sandra Dís á móti Andorru í tvíliðaleik og með sigri í þeim leik geta þær náð í brons sæti. En þetta verður eflaust erfiður leikur hjá þeim.

Arnar og Birkir mæta Liechtenstein og eiga ágætist möguleika í þeim leik. Ef þeir vinna þann leik komast þeir í undanúrslit og eru öruggir með brons. Arnar og Birkir unnu brons á síðustu Smáþjóðaleikunum í Kýpur árið 2009.

Lesa frétt

Iris féll úr leik í dag

Fyrsti keppnisdagur í tennis á Smáþjóðaleikunum fór fram í dag. Iris Staub og Birkir Gunnarsson féllu bæði úr leik í einiliðaleik í dag.

Iris tapaði 6-1 6-1 á móti Elenu Jetcheva frá Möltu. Iris átti góðan leik gegn Elenu og náði upp ágætis spili en andstæðingurinn var einfaldlega of sterkur fyrir hana.

Birkir spilaði á móti Nick Camelliri frá Möltu og tapaði í tveimur settum 6-2 og 6-2.

Arnar Sigurðsson og Sandra Dís Kristjánsdóttir keppa í fyrstu umferð í einliðaleik á morgun. Arnar mætir Matthew Asciak frá Möltu. Asciak sem er númer 1789 í heiminum og sigraði Andra Jónsson 6-2 6-1 á Davis Cup í síðasta mánuði þegar Ísland mætti Möltu. Sandra Dís mætir Louise-Alice Gambarini frá Mónakó.

Lesa frétt

14. Smáþjóðaleikar Evrópu hefjast í dag í Liechtenstein og stendur keppnin fram á laugardag. Keppt er í 10 íþróttagreinum að þessu sinni og þar á meðal tennis. Keppt er í einliða-, tvíliða- og tvenndarleik en þetta er í fyrsta sinn í sögu Smáþjóðaleikanna sem keppt er í tvenndarleik í tennis. Íslenska landsliðið skipa: Arnar Sigurðsson, Birkir Gunnarsson, Iris Staub og Sandra Dís Kristjánsdóttir.

Íslenska landsliðið kom til Liechtenstein kl 22 í gærkveldi að staðartíma.Keppni í tennis hefst á morgun og mun landsliðið nýta daginn í dag til æfinga. Í kvöld kl 20 að staðartíma fer fram setningarhátíð leikanna á Rheinparkstadion í Vaduz í Liechtenstein.

Heimasíða leikanna má sjá hér.

Lesa frétt

Íslenska karlalandsliðið endaði í 7.-8. sæti á Davis Cup

Ísland lauk þátttöku á Davis Cup í gær með 1-2 ósigri gegn Armeníu um 5.-6. sætið.

Jón Axel Jónsson spilaði fyrsta einliðaleikinn á móti Daniil Proskura og tapaði 1-6 0-6.

Í öðrum einliðaleiknum spilaði Arnar Sigurðsson á móti Torgom Asatryan. Arnar átti góðan leik og sigraði 6-0 6-4.

Staðan því 1-1 eftir einliðaleikina og því ljóst að tvíliðaleikurinn myndi skera úr um sigurinn. Andri og Arnar spiluðu á móti Khachatur Khachatryan og Daniil Proskura. Ísland byrjaði betur og vann fyrsta settið 6-2 en þá tóku Armenar til sinna ráða og unnu næstu tvö sett 3-6 og 1-6 og þar með leikinn. Ísland endaði því í 7.-8. sæti af 12 þjóðum.

Lokaniðurstaða í deildinni er:
1-2.=Moldavía, Tyrkland , 3-4=Makedónía, Svartfjallaland, 5-6.=Noregur, Armenía, 7-8.= Andorra, Ísland, 9-10.=Georgía, San Marínó, 11-12.= Malta, Albanía

Moldavía og Tyrkland fara því upp í 2.deild á næsta ári en Ísland verður áfram í 3.deild.

Lesa frétt