Tennissamband Íslands

Árshátíð Tennissamband Íslands verður haldin 3.desember næstkomandi í Víkinni Traðarlandi 1, 108 Reykjavík. Boðið er upp á þriggja rétta matseðil. Auglýsingu má sjá hér.

Matseðill

Forréttur

• Tom Kha Gai Kjúklingasúpa að austurlenskum hætti

Aðalréttir

• Kjúklingspjót í sate
• Lambakjöt í ostrusósu
• Svínakjöt í massaman
• Steiktur þorskur í engifersósu
• Djúpsteiktar rækjur m/súrsætri sósu
• Blandað grænmeti í kókoshnetusósu
• Hrísgrjón og fjölbreyttar sósur

Eftirréttur

• Drauma súkkulaðikaka með rjóma
• Kaffi/Mjólk

Gos innifalið.
Rauðvín, hvítvín og bjór selt á staðnum gegn vægu gjaldi.
Verð: 3.800 kr.

Skemmtun

• Stutt en æsispennandi spurningakeppni Bjarna
• Dómarahornið
• Maggi “slash” á gítar + vinir
• Karókíkeppni milli borða
• DJ BJ
• Og sitthvað fleira

Verðlaunaafhending

• Tenniskona og tennismaður ársins

Húsið opnar kl 19. Aldurstakmark 16 ára.

Hægt er að skrá sig hér fyrir neðan. Staðfesta þarf skráningu með greiðslu eigi síðar en 30.nóvember á reikning 313-26-10610, kennitala 700688-1439. Netfang: tennis@tennis.is  s. 820-0825.

Listi yfir skráða má sjá hér.

Lesa frétt

Verðlaunahafar á 6.Stórmóti TSÍ

6.Stórmóti TSÍ lauk í gær með úrslitaleik í ITN styrkleikaflokki einliðaleik. Birkir Gunnarsson úr Tennisfélagi Kópavogs sigraði Rafn Kumar Bonifacius úr Tennisdeild Víkings 6-4 og 6-4. Hjalti Pálsson úr Tennisdeild Fjölnis gaf leikinn um 3.sætið á móti Vladimir Ristic úr Tennisfélagi Kópavogs.

Arna Sólrún Heimisdóttir sigraði í mini tennis.

Það voru 13 manns sem tóku þátt í dómarahappadrættinu og dæmdu samtals 55 leiki.

Krakkarnir sem kepptu í mini tennis

Öll úrslit úr mótinu má sjá hér fyrir neðan:

• ITN Styrkleikaflokkur einliða
• ITN Styrkleikaflokkur tvíliða
• 12 ára og yngri stelpur
• 12 ára og yngri strákar
• 10 ára og yngri strákar
• 10 ára og yngri stelpur

Lesa frétt

Þetta er annað stórmótið í röð sem Rafn Kumar mætir Birki í úrslitum

Birkir Gunnarsson úr Tennisfélagi Kópavogs og Rafn Kumar Bonifacius úr Tennidseild Víkings  keppa til úrslita í einliðaleik ITN Styrkleikaflokks á 6.Stórmóti TSÍ kl.16 í dag í Tennishöllinni Kópavogi. Á sama tíma keppa Vladimir Ristic úr Tennisfélagi Kópavogs og Hjalti Pálsson úr Tennisfélagi Fjölnis um þriðja sætið.

Undanúrslitin fóru fram í gær. Þá mættust Birkir Gunnarsson og Hjalti Pálsson. Birkir sigraði örugglega 6-0 og 6-0. Í hinum undanúrslitaleiknum mættust Rafn Kumar Bonifacius og Vladimir Ristic. Rafn Kumar sigraði 6-1 og 6-2.

Í úrslitaleik tvíliða ITN Styrkleikaflokks kepptu Birkir Gunnarsson og Rafn Kumar Bonifacius á móti Önnu Soffíu Grönhölm og Hjördísi Rósu Guðmundsdóttur. Birkir og Rafn Kumar sigruðu 6-0 og 6-1.

Í 12 ára og yngri stelpur sigraði Anna Soffía Gronhölm og í 12 ára og yngri strákar sigraði Sigurjón Ágústsson.

Í 10 ára og yngri stelpur sigraði Sofía Sóley Jónasdóttir og í 10 ára og yngri strákar sigraði Ívan Kumar Bonifacius.

Mini tennis fyrir börn 10 ára og yngri verður keppt í dag kl 14:30.

Lesa frétt

6.Stórmót TSÍ hefst á morgun föstudaginn, 18.nóvember og verður keppt í Tennishöllinni Kópavogi. Keppt er í einliða- og tvíliðaleik í ITN styrkleikaflokki og barnaflokkum 10 ára og yngri, 12 ára og yngri og mini tennis.

Mótskrár má sjá  hér fyrir neðan:

• ITN Styrkleikaflokkur einliða
• ITN Styrkleikaflokkur tvíliða
• 12 ára og yngri stelpur
• 12 ára og yngri strákar
• 10 ára og yngri börn

Mini tennismótið fyrir 10 ára og yngri (krakkar fædd 2001 og síðar) verður á mánudaginn, 24.október og hefst kl 14:30. Öllum krökkum sem langar til að taka þátt í Mini tennismótinu geta mætt á mánudaginn kl 14:20.

Verðlaunaafhending og pizzapartý fer fram strax eftir úrslitaleik í ITN styrkleikaflokki einliða sem hefst mánudaginn 21.nóvember kl. 16:00.

Ath. Leikmenn eru minntir á að mæta tímalega fyrir leikinn sinn. Farið verður eftir eftirfarandi reglum TSÍ:
■ 1 mínúta of seint = tapar 1 lotu
■ 6 mínútum of seint = tapar 2 lotum
■ 11 mínútum of seint = tapar 3 lotum
■ 16 mínútum of seint = tapar leiknum

Það verður engin undantekning varðandi þessar reglur og hvetur mótstjórinn ykkur til að undirbúa ykkur fyrir leikinn með því að mæta fyrr og hita upp með því að skokka, sippa, teygja eða slá á móti vegg við útivellina. Upphitunartími fyrir hvern leik er 5 mínútur.

Dómarahappadrætti
Dómarahappadrætti verður á mótinu með yfir 15  vinningum frá Wilson, Head, Luxilon og Tournagrip. Hægt er að dæma á eftirfarandi tímum:

• Föstudaginn 18.nóvember frá kl 18:30
• Laugardaginn 19.nóvember frá kl 8:30
• Sunnudaginn 20.nóvember frá kl 10:30
• Mánudaginn 21.nóvember frá kl 14:30

Fyrir hvern leik sem þú dæmir færðu einn happadrættismiða þannig að því fleiri leiki sem þú dæmir því fleiri miða færðu. Þeir sem dæma á mini tennismótinu sem er á mánudaginn frá kl 14:30-16:30 fá þrjá miða ef þeir dæma allan tímann.

Léttar og ljúfar veitingar
Hægt verður að kaupa léttar og ljúffengar veitingar á mótinu á vægu verði hjá foreldrafélagi yngri keppnisstúlkna í TFK.

Mótstjóri:
Raj K. Bonifacius s. 820-0825, netfang: tennis@tennis.is

Lesa frétt

6.Stórmót TSÍ verður haldið 18.-21.nóvember næstkomandi í Tennishöllinni Kópavogi. Keppt verður í eftirfarandi flokkum:

• Mini tennis fyrir þau yngstu (fædd árið 2001 eða seinna)
• Barnaflokkar 10 og 12 ára og yngri
• ITN Styrkleikaflokkur einliðaleikur sem er opinn fyrir alla
• ITN Styrkleikaflokkur tvíliðaleikur

Mini tennis keppnin fer fram mánudagnn 21.nóvember frá kl 14:30-16:00.

Markmið styrkleikakerfisins er að allir byrja að keppa við jafnsterkan andstæðing og svo verður mótið erfiðara með hverri umferð. Allir nýir þátttakendur fá ITN númer miðað við mat mótstjórans og númerið svo uppfært eftir mótið.

Mótsgjald:
Einliðaleikur – 1.000 kr./mini tennis; 1.500 kr./fædd f. 1995 og yngri; 2.500 kr./aðrir
Tvíliðaleikur – 1.000 kr./f. 1995 og yngri; 1.500 kr./aðrir

Hægt er að greiða mótgjald fyrir fyrsta leik en ef það er ekki gert verður sendur greiðsluseðill fyrir mótgjaldinu og bætist þá við seðilgjald upp á 295 kr.

Síðasti skráningar og afskráningardagur fyrir mótið er 15.nóvember kl. 18.00

Boltar: Wilson U.S. Open

Dómarahappdrætti: Einn miði fyrir hvern dæmdan leik.

Verðlaunaafhending fer fram eftir úrslitaleik í ITN styrkleikaflokki einliða sem hefst mánudaginn 21.nóvember kl. 16:00.

Mótskrá: Tilbúin 16.nóvember á tennissamband.is

Mótstjóri:
Raj K. Bonifacius s. 820-0825, netfang:tennis@tennis.is

Skráning í mótið er lokið.

Lesa frétt

Birkir Gunnarsson sigraði bæði í einliða- og tvíliðaleik ITN styrkleikaflokki

5.Stórmóti TSÍ lauk 29.október síðastliðinn. Birkir Gunnarsson sigraði í ITN Styrkleikaflokki einliða en Rafn Kumar Bonifacius þurfti að gefa úrslitaleikinn. Í þriðja sæti var Vladimir Ristic sem sigraði Hinrik Helgason 6-2 6-4 í leiknum um þriðja sætið.

Í tvíliðaleik ITN Styrkleikaflokks sigruðu Jón Axel Jónsson og Birkir Gunnarsson. Þeir lögðu Hinrik Helgason og Rafn Kumar Bonifacius örugglega 6-0 og 6-0 í úrslitaleiknum.

Öll önnur úrslit úr mótinu má sjá hér.

Lesa frétt

Raj ásamt Jake Garner (ITF Grand Slam dómara) og Enric Molina (ITF Dómara sviðsstjóra)

Raj K. Bonifacius er staddur á ITF Level 2 dómaranámskeiði á Madrid, Spáni. Þar hefur hann öðlast svokallað “white badge” réttindi sem umsjónadómari (tournament referee), stóladómari(chair umpire) og yfirdómari (chief of umpires).

Hann dæmdi tvo leiki á atvinnumannamóti nú um helgina á Spain F41 Futures móti og varð þar með fyrstur Íslendinga til að dæma atvinnumannaleik í tennis.

Lesa frétt