Tennissamband Íslands

Hluti af íslenska hópnum sem er að keppa á mótum í Danmörku

Íslensku tenniskrakkarnir sem eru við keppni í Danmörku hefur gengið vel á mótunum sem þau taka þátt í.  Í dag kepptu krakkarnir á mótum í Espergærde og Köge og áttu góðan dag.

Í mótinu í Köge náðu tveir íslendingar í úrslit í 16 ára og yngri stráka. Hinrik Helgason sigraði félaga sinn úr TFK Bjarka Sveinsson í úrslitum 6-3, 6-2. Glæsilegur árangur hjá Hinriki sem náði einnig í úrslit í mótinu í Værlöse í síðust viku. Þá tapaði hann naumlega fyrir Dana 4-6, 7-5, 7-6 (5) í úrslitaleiknum.

Hjördís Rósa Guðmundsdóttir 13 ára úr BH sigraði í 14 ára og yngri flokki  í mótinu í Espergærde.  Hún sigraði Christiane Rahbek í þremur settum. Glæsilegur árangur hjá Hjördísi sem sigraði einnig mótið í Værlöse í síðustu viku.

Anna Soffía Grönholm TFK komst einnig í úrslit í flokki 12 ára og yngri en tapaði þar fyrir Önnu Maria Møller 7-6 (0), 6-1.

Sofía Sóley Jónasdóttir 8 ára úr TFK varð í öðru sæti í 10 ára og yngri flokki stúlkna.  Sofia Sóley keppti á móti Elenu Jamshidi sem er 10 ára í úrslitum og tapaði í jöfnum leik. Góður árangur hjá Sofiu Sóley sem er aðeins 8 ára og keppti eingöngu við eldri andstæðinga.

Lesa frétt

Miðnæturmótið 2008

Miðnæturmót Víkings í tennis sem átti að fara fram í gærkvöldi var frestað vegna veðurs og verður því haldið á Víkingsvöllum miðvikudagskvöldið 3.ágúst kl 19:00.

Mótið hentar öllum, jafnt byrjendum sem lengra komnum. Dregið verður saman í stutta tvíliðaleiki, þannig að með- og mótspilarar eru sjaldan þeir sömu. Í lokin eru allar unnar lotur taldar saman.

Mótsgjald 3.000 kr. Matur og drykkur er innifalið. Bikar, medallíur og tennisvörur frá Wilson í verðlaun.

Skráið ykkur sem fyrst – bara 16 manns komast inn í þessa keppni. Skráning verður staðfest frá þeim sem leggja 3.000 kr. inná Tennisklúbb Víkings, reikningsnúmer 313-26-10610, kennitala 700688-1439.

Skráning á tennis.is/skraningar og í síma 820-0825.

Lesa frétt

Birkir Gunnarsson, 19 ára landsliðsmaður úr Tennisfélagi Kópavogs hefur verið að keppa og
æfa hjá þýska tennisklúbbnum TA TV Vaihingen undanfarnar vikur. Birkir spilar nr.1 fyrir karlalið 2 hjá félaginu. Margir af bestu tennisspilurum Íslands hafa spilað fyrir þennan klúbb í gegnum tíðina, meðal annars Arnar Sigurðsson, Andri Jónsson og Iris Staub.

Þetta er fyrsta keppnissumar Birkis í Þýskalandi. Liðið hefur keppt við þrjá klúbba í
síðastliðnum mánuði og hefur unnið flesta sína leiki. Síðast spiluðu þeir við TA SV
Böblingen. Birkir sigraði þá Jannis Tomaschko sem er nr.1 spilari þeirra nokkuð örugglega 6-3 6-3. Birkir og Manuel Klempin leikmaður nr. 5 hjá liðinu töpuðu hins vegar naumlega í tvíliðaleik eða, 4-6 4-6.

Gaman verður að fylgjast með Birki á næstunni en hann hyggur á háskólanám í Bandaríkjunum í haust þar sem mun spila fyrir tennislið skólans.

Lesa frétt

Rafn Kumar og Raj

Víkingsmótið fór fram 8.-10. júlí síðastliðinn. Raj K. Bonifacius sigraði son sinn Rafn Kumar Bonifacius í úrslitaleiknum 6-3 6-0 í ITN styrkleikaflokki einliða. Í þriðja sæti varð Hinrik Helgason sem sigraði Sverri Bartolozzi 6-3 6-2 í leik um þriðja sætið. Ingimar Jónsson sigraði í ITN styrkleikaflokki einliða B-keppni.

Í tvíliðaleik sigruðu feðgarnir Raj og Rafn Kumar þá Hinrik Helgason og Sverri Bartolozzi 6-2 6-1.

Öll úrslit úr Víkingsmótinu má sjá hér.

Verðlaunahafar á Víkingsmótinu

Lesa frétt

Opið tennismót Þróttar og Fjölnis verdur haldið helgina 22.-24. júlí á tennisvöllum Þróttar í Laugardalnum.

Keppt verður í flokkum ungra sem aldinna, en flokkar sameinaðir ef með þarf:

Börn og unglingar (10, 12, 14,16 og18 ára & yngri) 1.000 kr.

Meistaraflokkur 2.000 kr.

Öðlingaflokkar (30+, 40+ og 60+) 2.000 kr.

Tvíliðaleikur (allir saman) 1.000 kr.

Almennt munu flokkar skiptast upp í A og B keppni eftir fyrsta leik.

Skráningu lýkur miðvikudaginn 20.júlí og sendist á steinunn76@hotmail.com

Mótsstjóri er hin góðkunna Steinunn Garðarsdóttir sem tryggir gott veður á mótinu.

Lesa frétt

Íslensku feðgarnir Raj og Rafn Kumar Bonifacius voru sigursælir á móti sem fram fór á vegum Bandaríska Tennissambandsins í La Jolla San Diego í Kaliforníu og lauk nú síðustu helgi.

Feðgarnir kepptu í tvíliðaleik feðga og unni alla sína leiki örugglega þar til í  úrslitaleiknum. Þá unnu þeir fyrsta settið, 6-1, en töpuðu seinni tveimur 3-6 og 4-6, og urðu því í öðru sæti. Á leið sinni upp riðla að úrslitaleiknum mættu þeir m.a. Schiller feðgum, en þeir urðu í 3. sæti á síðasta Bandaríkjameistaramóti.

Raj var sigurvegari mótsins í flokki öðlinga 40 ára og eldri, og lagði Ástralann Paul Tracey örugglega í úrslitum, 6-4, 6-4.

Lesa frétt

Víkingsmótið byrjar í dag og verður fram á sunnudag  á Tennisvöllum Víkings, Traðarlandi 1. Allir leikir eru best af þremur oddalotu settum með forskoti.

Mótskrá fyrir mótið má sjá hér.

Verðlaunaafhending verður eftir úrslitaleikinn í tvíliðaleik sem hefst kl 14:00 á sunnudaginn.

Ath. Leikmenn eru minntir á að mæta tímalega fyrir leikinn sinn. Farið verður eftir eftirfarandi reglum TSÍ:
■ 1 mínúta of seint = tapar 1 lotu
■ 6 mínútum of seint = tapar 2 lotum
■ 11 mínútum of seint = tapar 3 lotum
■ 16 mínútum of seint = tapar leiknum

Það verður engin undantekning varðandi þessar reglur og hvetur mótstjórinn ykkur til að undirbúa ykkur fyrir leikinn með því að mæta fyrr og skokka/teygja.

Mótstjóri er Raj K. Bonifacius sími: 820-0825, netfang: raj@tennis.is

Lesa frétt