Tennissamband Íslands

Vladimir og Hjördís Rósa ásamt Jón Axel tennisþjálfara

Hjördís Rósa Guðmundsdóttir og Vladimir Ristic voru valin til að keppa fyrir Ísland á Þróunarmóti fyrir 14 ára og yngri á Antalaya í Tyrklandi. Þróunarmótin eru tvö og kláraðist fyrra mótið síðastliðin miðvikudag. Jón Axel Jónsson tennisþjálfari er með þeim í för.

Hjördís Rósa og Vladimir voru bæði mjög óheppin með drátt á fyrra mótinu þar sem þau lentu á móti sterkum tennisspilurum en samt búin að eiga nokkra góða sigra fyrir Íslands hönd og fá nokkur “Tennis Europe” stig.

Þau töpuðu bæði í fyrstu umferð í einiðaleik en unnu svo bæði í fyrstu umferð í tvíliðaleik á fyrra mótinu. Vladimir spilaði með strák frá Svartfjallalandi en Hjördís með stelpu frá Azerbadjan.

Vladimir ásamt tvíliðaleiksspilaranum sínum

Úrslitin úr fyrsta mótinu má sjá hér fyrir neðan:

Hjördís Rósa Guðmundsdóttir – Einliðaleikur
# 6-1 6-1 tap vs móti Alise Isajeva(198), Lettland
# 6-2 6-0 tap vs Tamar Kutubidze(303), Georgía
# 6-1 6-0 tap vs Mina Marinkovikj(365), Makedónía
# 6-2 4-6 7-6(13-11) tap vs Rebecca MCcarthy(407), Malta
# 6-3 6-4 SIGUR vs Alexia Cassar, Malta

Í tvíliða sigraði Hjördís og Nezran Jafarova á móti Alexiu Cassar frá Möltu og Hazal Unlugenc(114) frá Tyrklandi 4-6 6-3 10-3(supertiebreak) í hörkuleik þar sem þær voru 3-1 og breakbolta undir í öðru setti en tókst að berjast hetjulega tilbaka og vinna leikinn.

Hjördís Rósa ásamt tvíliðaleiksspilaranum sínum

Þær töpuðu svo í annarri umferð á móti Úkraínu. Það þarf því miður að vinna tvær umferðir til að fá Tennis Europe stig.

Vladimir Ristic – Einliðaleikur
# 6-1 6-2 tap vs Efekan Bulbul(58(seed 5)), Tyrkland
# 6-4 6-4 tap vs Giorgi Datashvili(407), Georgíu
# 6-2 6-3 tap vs Mykayel Khachatryan(159), Armenía
# 7-6(7-3) 6-3 SIGUR vs Dejan Kovac(407), Svartfjallaland
# 3-6 6-2 6-3 SIGUR vs Kirils Kuznecovs(301), Lettland

Í tvíliða unnu Vladimir Ristic og Dejan Kovac frá Svartfjallalandi á móti Tomislav Andreevski(407) og Goradz Srbljak(153) frá Makedóníu 6-4 7-5 í rosalegum leik þar sem þeir lentu 4-1 undir í fyrra settinu en tókst að merja sigur og voru svo 5-1 yfir í seinna settinu og misstu næstum leikinn frá sér. Þetta var einstaklega sveiflukenndur leikur. Þeir töpuðu svo í annarri umferð á móti Tyrklandi.

Lesa frétt

Laugardaginn 2. apríl stendur ÍSÍ fyrir leiðbeinendanámskeiði sem gefur réttindi til kennslu í stafgöngu (skv. stöðlum Alþjóða stafgöngusambandsins).

Námskeiðið verður haldið í fundarsal ÍSÍ í Íþróttamiðstöðinni í Laugardal og stendur frá kl. 9:00 – 17:00.

Námskeiðið er ætlað fagfólki s.s. íþróttakennurum, sjúkraþjálfurum, hjúkrunarfræðingum, þroskaþjálfum, iðjuþjálfum og læknum.

Námskeiðið er tvíþætt þ.e. núna í apríl (8 tímar) og síðan aftur seinna í vor eða sumar (4 tímar).

Námskeiði er bæði verklegt og bóklegt. Farið verður í undirstöðuatriði stafgöngu, tækni og þjálfunaraðferðir.

Leiðbeinandi er íþróttakennarinn Ásdís Sigurðardóttir.

Námskeiðsgjald er kr. 16.000 og innifalið í því eru öll gögn og kennsla.

Skráning hjá ÍSÍ í síma 514-4000 eða netfang: kristin@isi.is fyrir fimmtudaginn 31. mars.

Lesa frétt

3.Stórmót TSÍ verður haldið 2.-4.apríl næstkomandi í Tennishöllinni Kópavogi.

Mótinu er skipt í eftirfarandi fjóra flokka:

• “Mini Tennis” fyrir þá yngstu (fæddir árið 2001 eða yngri)
• Barnaflokkar (10 & 12 ára og yngri)
• ITN Styrkleikaflokkur sem er opinn fyrir öllum
• ITN Tvíliðaleikur (styrkleikaskipt)

Markmið styrkleikakerfisins er að allir byrja að keppa við jafnsterkan andstæðing og svo verður mótið erfiðara með hverri umferð. Allir nýir þátttakendur fá ITN númer miðað við mat mótstjórans og númerið er svo uppfært eftir mótið.

Míni Tennis keppni fer fram mánudaginn, 4.apríl frá kl.14.30-16.00

Mótsgjald:
Einliðaleikur – 1.000 kr./mini tennis;  1.500 kr./fædd  f. 1995 og yngri;  2.500 kr./aðra
Tvíliðaleikur – 1.000 kr./f. 1995 og yngri;  1.500 kr./aðra

ATH – Síðasti skráningar (og afskráningar!) dagur fyrir mótið er miðvikudaginn, 30.mars, kl.18.00

Verðlaunaafhending fer fram  eftir úrslitaleik ITN mótsins mánudaginn 4.apríl

Mótskrá: Tilbúin 31.mars
Mótstjóri: Raj K. Bonifacius, s.820-0825   tennis@tennis.is

Skráning í mótið er lokið.

Lesa frétt

Sigurvegarar í tvíliðaleik á 2.Stórmóti TSÍ (f.v Vladimir, Kjartan, Birkir, Jón Axel, Hinrik og Rafn))

Tvíliðaleiksmótinu á 2.Stórmóti TSÍ lauk 5.mars síðastliðinn. Birkir Gunnarsson (TFK) og Jón Axel Jónsson (UMFÁ) sigruðu örugglega með því að leggja Hinrik Helgason (Víking) og Rafn Kumar Bonifacius (Víking) 6-1 og 6-0 í úrslitaleiknum. Í þriðja sæti voru Kjartan Pálsson og Vladimir Ristic. Úrslitin má sjá hér.

Lesa frétt

Raj K. Bonifacius

Íslenski landsliðsmaðurinn Raj K. Bonifacius komst í sögubækur ITF nú á dögunum. Raj sem verður 42 ára gamall á árinu, var elsti tennisspilari til að vinna leik á Davis Cup árið 2010. Yngsti tennisspilarinn til að vinna leik á Davis Cup árið 2010 var Aleksandr Ernepesov frá Túrkemistan, sem var 15 ára og 53 daga gamall þegar hann vann.

Lesa frétt

Í íþróttamiðstöðinni á Ólafsfirði eru tennisæfingar tvisvar í viku undir leiðsögn þjálfarans Axels Péturs Ásgeirssonar. Þar æfa 16 krakkar að staðaldri bæði frá Ólafsfirði og Siglufirði.

Sunnudaginn 21.febrúar síðastliðin kom hinn reynslumikli tennisþjálfari Raj K. Bonifacius og kenndi krökkunum ásamt þjálfara þeirra. Vel var mætt á námskeiðið sem tókst mjög vel.

Raj sem er af bandarískum og indverskum uppruna hefur búið á Íslandi í meira en 18 ár. Þá hefur hann þjálfað bæði karla- og kvennalandslið Íslands í tennis auk þess sem hann er margreyndur landsliðsmaður.

Mánudaginn 21.febrúar mættu Raj og Axel Pétur í tvo íþróttatíma í Íþróttamiðstöðinni á Ólafsfirði og kenndu fleiri krökkum og íþróttkennurum þeirra ýmsar tennisæfingar sem hægt væri að nota í íþróttakennslunni.

Lesa frétt

Tvíliðaleiksmótið á 2.Stórmóti TSÍ verður haldið annað kvöld frá kl 20:30 í Tennishöllinni í Kópavogi. Hér má sjá mótskrá fyrir tvíliðaleiksmótið.

Mótstjóri er Jón Axel Jónsson sími; 659-7777 netfang;  jonaxeljonsson@hotmail.com

Lesa frétt

Davíð Halldórsson og Rafn Kumar Bonifacius

2. Stórmót TSÍ 2011 lauk í gær. Rafn Kumar Bonifacius úr Tennisdeild Víkings sigraði Davíð Halldórsson úr Tennisfélagi Kópavogs örugglega 6-2 6-0 og landaði þar með sínu fyrsta TSÍ stórmóti í opnum ITN flokki í einliðaleik. Leikurinn var frekar jafn í byrjun, en þegar staðan var 2-2 setti Rafn Kumar í næsta gír og tapaði ekki lotu.Jón-Axel sigraði svo Kjartan Pálsson 6-2 6-0 í leiknum um þriðja sætið.

Ívan Kumar Bonifacius, bróðir Rafns, stóð sig gríðarlega vel í barnaflokkum og sigraði mjög örugglega í Mini tennis keppninni(Arna Heimisdóttir 2.sæti) og í 10 ára og yngri flokknum. Í 12 ára og yngri strákaflokknum var spilaður sannkallaður dauðariðill þar sem 3 leikmenn(Ívan, Óliver og Róbert) enduðu allir með jafnmörg stig og því litið á unnar/tapaðar lotur og stóð Ívan Kumar Bonifacius aftur uppi sem sigurvegari. Sara Lind Þorkellsdóttir lenti í 2.sæti í 10 ára og yngri flokknum, en þar sem hún var eina stelpan í flokknum var hún sigurvegari 10 ára og yngri stelpna. Í 12 ára og yngri stelpuflokknum, sem var stærsti barnaflokkur mótsins, stóð Anna Soffía Grönholm uppi sem sigurvegari þar sem hún sigraði Heklu Maríu Oliver 6-1 í úrslitaleiknum.

Öll úrslit má sjá hér.

Lesa frétt